Kuvendi mblidhet të hënën pasdite në një seancë të posaçme për të diskutuar projektligjin “Për turizmin”. Ashtu sikurse ndodhi edhe me ligjin “për arsimin e lartë”, Konferenca e Kryetarëve vendosi t’i kushtojë një seancë të veçantë diskutimit të këtij drafti, pas mosmarrëveshjeve mes palëve në shqyrtimin e tij.
Ligji i ri ‘për turizmin’ që synon të rrisë numrin e turistëve dhe të investimeve në turizëm parashikon standardizimin dhe klasifikimin e strukturave akomoduese, sipas yjeve.
Sipas përfaqësuesve të qeverisë ky proces mund të kryhet me asistencën e një kompanie të huaj.
Seanca e sotme pritet të shënojë dhe fundin e sesionit parlamentar të verës, që do të rinisë të hënën e parë të shtatorit.
