Kandidati demokrat Joe Biden është shumë pranë fitores së Zgjedhjeve në SHBA. Ai kryeson me një diferencë të ngushtë në Pensilvani, që nëse ruhet deri në fund, besohet nga analistët se do t’i sigurojë pikët e nevojshme dhe fitoren ndaj Trump.
Por analistët thonë se ka rreth 200,000 fletë votimi të mbetura për t’u numëruar në atë shtet. Rreth gjysma e tyre janë fletëvotime me postë dhe gjysma tjetër janë fletëvotime të zakonshme.
Votimet me postë në Pensilvani kanë qenë shumë të favorshme për Biden, pasi duket se shumica e mbështetësve të Donald Trump zgjodhën të votojnë personalisht. Por disa prej atyre fletëve të votimit mund të sfidohen në fund.
Historikisht, votat e përkohshme janë gjithashtu shumë të favorshme për Demokratët, por në këto zgjedhje deri më tani, kjo është edhe arsyeja pse ato kanë qenë pak më të mira për Trump.
Kjo do të thotë se edhe përmbysja mund të ndodhë me votat e fundit, ndonëse mundësitë janë më pak të favorshme për Trump.
Një shpjegim për këtë është se disa nga mbështetësit e presidentit preferuan fletëvotimet me postë, por më pas zgjodhën të votonin personalisht në vend.
Analisti i zgjedhjeve Nate Silver tha se “realiteti fatkeq është se ka shumë pak besim në proces, ku parregullsitë kanë qenë flagrante dhe ka mungesë transparence.”
Kjo fjali e dytë shkon me faktin se Donald Trump ka punuar me zell për të mbjellë mosbesim në rezultatet e zgjedhjeve dhe këshilltarëve të presidentit u është lejuar të shikojnë numërimin e votave në shumë shtete të fushës së betejës.
Gjithsesi, gjykata duket se do të thotë fjalën e fundit, si gjithnjë nëse procesi i numërimit të votimit kontestohet nga njëra palë. Deri tani Trump dhe ekipi i tij e kanë kontestuar atë.
Kur kanë mbetur edhe pak fletë votimi për t’u numëruar, lajmet janë kontradiktore.
E sigurt është se SHBA ende nuk e ka zgjedhur zyrtarisht Presidentin e ri por me Joe Biden, që shihet më pranë Shtëpisë së Bardhë, dhe me Donald Trump që përmes votave të fundit apo procesit gjyqësor, mund të përmbysë gjithçka.
/a.r
