Vendimi më pas do t’i shkojë zyrtarisht subjekteve të interesuara përfshirë Presidentin e Republikës, që pas vendimit të Kushtetueses do të dekretojë datën e zgjedhjeve për Bashkinë e Kavajës.
Në seancën e 7 marsit, Gjykata Kushtetuese rrëzoi kërkesën e kryetarit të bashkisë së Kavajës, Elvis Rroshi i cili kërkoi shpallej si të pavlefshme të disa neneve të ligjit të dekriminalizimit, raporton ora news.
Në këtë seancë, përmes përfaqësuesit ligjor, këshilli i ministrave, Prokuroria e Përgjithshme, kuvendi dhe KQZ dhanë pretendimet e tyre përse duhet të rrëzohet kërkese e tij nga Gjykata Kushtetuese, por avokati Theodhori Sollaku tha se asnjë nga këto institucione nuk ka vendimet të formës së prerë të gjykatave italiane apo zvicerane se është dënuar me vendim te formës së prerë Ervis Rroshi. “Nuk kemi vendimin e formës së prerë por kemi ekstremitete. Në dijeninë time ekstremitete do të thotë numër dhe datë vendimi. Keni ju numër dhe datë vendimi për rastin Rroshi?”, tha ai.
Sipas Prokurorisë së Përgjithshme i gjithë dokumentacioni i disponueshem nga organi i akuzës vërtetojnë se Elvis Roshi është subjek i ligjit të dekriminalizimit. Më 29 dhjetor 2016 Komisioni Qëndror i Zgjedhjeve vendosi heqjen e mandatit për kryebashkiakun e Kavajës Elvis Rroshi, si dhe për deputetët e Shkëlqim Selami dhe Dashamir Tahiri. Po atë ditë qeveria mori vendim për shkarkimin e tij. Megjithatë opozita denoncoi faktin se Rroshi vijon të jetë në krye të detyrës. Këtë e vërtetoi me një dokument që mban vulën e Bashkisë së Kavajës dhe firmën e Elvis Rroshit dhe i drejtohet Komisionit Qendror të Zgjedhjeve, për ngritjen e selisë së KZAZ-së, Nr. 42./b.d
