3 milionë lekë të vjetra është gjoba që Autoriteti Kombëtar i Ushqimit ka vendosur ndaj Bashkisë së Vorës, për shkak të kushteve të këqija të tregtimit të ushqimeve në treg.
AKU ka ushtruar një kontroll në tregun që administrohet nga bashkia e Vorës, ku është konstatuar se kushtet higjieno – sanitare kanë qenë jashtë standardeve, ruajtjes dhe tregtimit të ushqimeve.
Një javë më parë, Autoriteti Kombëtar i Ushqimit vuri gjoba me vlerë nga 300 mijë deri në 500 mijë lekë për 11 bashki në të vendin, sa i përket mosrespektimit të kushteve në tregje, por edhe të menaxhimit të hapësirave publike.
