Ministrja e Arsimit dhe Sportit Evis Kushi në Këshillin Kombëtar për të Drejtat dhe Mbrojtjen e Fëmijëve ka deklaruar se prioriteti absolut i Ministrisë që ajo drejton është shëndeti i fëmijëve të dhe rritja e shëndetshe, e qetë, e lumtur dhe e sigurt e tyre. “Ne në Ministrinë e Arsimit mision kryesor kremi t’i pajisim nxënësit me njohuri dhe aftësi që nesër të jenë profesionistë të aftë dhe qytetarë të denjë. Por prioriteti absolut edhe tek ne është që fëmijët të rriten të shëndetshëm, të qetë, të lumtur dhe të sigurt”- tha ministrja.
Më tej ajo tha se shpeshherë për t’iu përmbajtur këtij prioriteti duhet që të bëjnë edhe sakrifica të mëdha, siç ishte vendimi i fundit që morëm për ndërprerjen e procesit mësimor për tre ditë në të gjitha shkollat e vendit.
Sipas saj, nëse gjatë rrugës për në shkollë ka ngrica, reshje apo rrezik për fëmijët, kjo është përgjegjësi e ministrisë për të marrë vendime të tilla. Këto sakrifica ne i bëjmë të konsultuara mirë me ekspertët, duke parë edhe eksperiencat e vendeve të tjera. Ajo ka shtuar se sot edhe shtete të tjera, jo vetëm fqinje por edhe evropiane që janë edhe më të zhvilluara se Shqipëria kanë marrë vendime të tilla.
“Greqia sapo ka marrë një vendim të tillë, madje ka ndërprerë edhe punën në parlament, pikërisht për shkak të temperaturave të ulëta dhe të pazakonta për këtë shtet. Edhe Turqia ka mbyllur shkollat në pjesën veriore dhe lindore të vendit dhe të gjithë shërbimin ndër urbane.
Duke iu referuar edhe shumë shteteve në Amerikë e Kanada, Znj. Kushi ka kërkuar mirëkuptim e nxënësve, mësuesve dhe të të gjithë opinionit publik për këto sakrifica, të cilat e konsideron të detyrueshëm për tu marrë për të mbrojtur fëmijët, sigurinë dhe për mirëqenien e tyre.
/a.r
