Një person është qëlluar me armë zjarri pasditen e sotme në hyrje të qytetit në rrugën kryesore në lagjen nr.1. I plagosuri mësohet se është Edon Martini 19-vjeç nga Fushë Kuqja, djali i xhaxhait të Ervis Martinit.
Ai është transportuar në spitalin rajonal ku iu dha ndihma e parë dhe më pas në Tiranë te Trauma për ndërhyrje të specializuar. Policia deklaron se plagosja ka ndodhur në rrethana të paqarta, ndërsa ka nisur hetimet dhe janë ngritur pika kontrolli si dhe po bëhet krehja e zonës me qëllim kapjen e autorit.
Ervis Martini është i akuzuar si i përfshirë në vrasjen në zonën e ish-bllokut në Tiranë në tetor të vitit të kaluar, ku mbeti i vrarë një person. Martini mbeti i plagosur nga ngjarja ndërsa pas 7 muajsh në burg u lirua në maj të këtij viti kundrejt garancisë pasurore në vlerën e 5 milionë lekësh të rinj. Ndaj Ervis Martinit prokuroria e Tiranës ka ngritur 7 akuza. (Shqiptarja) /l.m
