Një kushërirë e Sokrat Shanit ka shkruar në rrjetet sociale rreth ngjarjes së rëndë në të cilën 65-vjeçari Sokrat Shani vrau të dashurën e tij 29-vjeçare Jonida canaku e më pas i dha fund jetës.
Ajo shkruan se po fliten shumë të pavërteta në lidhje me historinë e biznesmenit dhe të dashurës së tij.
Kushërira e Shanit shkruan se Jonida e donte vetëm për lekët. Po ashtu ajo shkruan se fmailja e saj e donte Sokratin dhe ai u ndërtoi shtëpinë.
Ja postimi i saj:
“Shkruaj në lidhje me tragjedinë që po flitet gjithandej. Nuk po më pëlqejnë aspak shkrimet që shikoj në çdo vend.
Sokrati ose siç është quajtur, vrasësi është kushëriri im. Askush nuk e besonte se ai do të bënte këtë gjë, të vriste veten.
Një njeri i mrekullueshëm, i qetë, bujar e një biznesmen i fuqishëm. Kishte mbi 3 vjet lidhje me Jonidën, por nuk ishte i mbështetur nga familja e tij.
Familja e vajzës e donte shumë Sokratin, aq sa ai në shumicën e kohës flinte në shtëpinë e vajzës.
Familja e saj e respektonin Sokratin në maksimum dhe tani shiko çfarë thonë. E pabesueshme. Sokrati la familjen e tij për të.
Ai ndërtoi shtëpinë e saj, shtëpinë të cilën e keni parë në familjen e vajzës. Ajo ishte tepër xheloze. Kaluan shumë kohë dhe Sokrati kuptoi kush ishte Jonida dhe, ajo nuk donte që ta lëshonte atë, normal lekët e Sokratit e mbanin gjallë.
Nuk e di si mundi Sokrati aq i madh e aq i zgjuar, të vrasë veten. Depresioni e çoi atë të bëjë këtë gjë. Më vjen shumë keq. Nuk mund të quhet vrasës dhe të keq interpretohet ai njeri i mrekullueshëm”, është shprehur në një status në rrjetet sociale një nga kushërirat e 65-vjeçarit, Sokrat Shani.
/a.m.
