Ish-deputeti demokrat Kreshnik Çollaku i është bashkuar prej pak ditësh parties Lidhja Demokratike e Kosovës. Pas një eksperience si këshilltar i presidentes Vjosa Osmani, ai duket se ka lënë pas politikën e Tiranës për t’u përfshirë drejtpërdrejt në zhvillimet politike në Kosovë. Në këtë intervistë ai flet për lidhjet e hershme me LDK-në, raportin me presidenten Osmani dhe arsyet që e çuan drejt këtij angazhimi të ri politik.
Çollaku ndalet edhe te kriza politike në Kosovë, të cilën e sheh si pasojë të një dëshire të pakontrolluar të kryeministrit Albin Kurti për të përqendruar në duart e tij të gjitha pushtetet. Ai rrëfen se ka qenë pjesë e negociatave mes Osmanit dhe Kurtit, para zgjedhjeve të dhjetorit të vitit të kaluar, në një moment kur po vendosej e ardhmja e bashkëpunimit të tyre politik.
Sipas Çollakut, ai ka marrë pjesë në tri takime të rëndësishme mes presidentes Osmani dhe kryeministrit Kurti, ku negociatat kaluan nga premtimi “i ke 66 votat e Vetëvendosjes për presidente”, deri te mesazhi i ftohtë politik: “Kushdo tjetër, përveç teje, mund të zgjidhet president/e e Kosovës”.
Në rrëfimin e tij, Çollaku përshkruan një klimë politike të tensionuar dhe një sjellje të kryeministrit që, sipas tij, po e çon Kosovën nga një krizë në tjetrën, me qëllimin e vetëm për të kontrolluar çdo pushtet institucional. “Tamam ashtu siç e do Serbia Kosovën”, shprehet ai, ndërsa analizon arsyet që, sipas tij, e kanë sjellë vendin në këtë pikë përplasjeje dhe pasigurie politike.
Ai bën edhe një krahasim mes Albin Kurti dhe Edi Ramës, duke analizuar çfarë i bashkon dhe çfarë i ndan dy liderët politikë. Sipas Çollakut, ndonëse në publik shpesh përpiqen të shfaqen në distancë apo në mospajtim me njëri-tjetrin, mes tyre ka pasur komunikime dhe koordinime të vazhdueshme politike.
Ish-deputeti demokrat Kreshnik Çollaku ka pak ditë që i është bashkuar Lidhja Demokratike e Kosovës. Pas një përvoje si këshilltar i presidentes Vjosa Osmani, ai ka lënë politikën e Tiranës për t’u përfshirë në atë të Kosovës. Ai flet për lidhjet e hershme me LDK-në dhe arsyet e këtij rrugëtimi të ri. Flet gjithashtu për krizën politike në Kosovë, e shkaktuar sipas tij nga një dëshirë e shfrenuar e Albin Kurti për të marrë në dorë të gjitha pushtetet.
Çollaku thotë se ka qënë pjesë e negociatave mes presidentes Osmani dhe kryeministrit Kurti, para zgjedhjeve të dhjetorit të vitit të shkuar, kur po vendosej e ardhmja e bashkëpunimit të tyre politik. Sipas Çollakut, i cili thotë se ka qenë pjesë e tri takimeve me shumë rëndësi mes dy zyrtarëve të politikës së Kosovës, Osmani-Kurti. Çollaku rrëfen se si kanë avancuar negociatat nga premtimi: “I ke 66 vota të Vetëvendosjes për presidente”, deri tek: “Kushdo përveç teje, mund të zgjidhet president/e e Kosovës”.
Çollaku flet për klimën politike dhe sjelljet e kryeministrit, i cili sipas Çollakut po e drejton Kosovën krizë pas krize, me një ego të ashpër për të grumbulluar të gjithë pushtetin dhe duke e çuar vendin në zgjedhje pas zgjedhjesh, në krizë pas krize. “Tamam ashtu siç e do Serbia Kosovën”, thotë Çollaku. Ai flet për arsyet e kësaj sjelljeje të kryeministrit dhe të gjithë skenarët që mund ta kenë sjellë situatën deri në këtë pikë të krizës.
