Kryeministri Edi rama zhvilloi një takim me qytetarë të Lushnjes në kuadër të asaj që quhet “Bashkëqeverisja”. Ai ftoi qytetarët të ndajnë problemet që ata shqetësojnë. Debati u përqendrua kryesisht te vendosja e biznesit të vogël në skemën e TVSH.
Rama ftoi qytetarët të flasin konkretisht për taksat që mendojnë se janë rritur, pasi siç tha kryeminsitri nuk k asnjë të vërtetë lidhur me akuzat e qeverisë.
“Kush mendon që janë rritur taksat të ngrejë dorën, ngrijeni dorën, asnjë? Zero? Shumë mirë, e ngriti njëri dorën, hajde pak. Më thuaj çfarë taksash të janë rritur ty?”, i drejtohet Rama qytetarit.
Përgjigja e tij lidhej pikërisht me skemën e TVSH.
“Është rritur ky 20 %, tani paguajmë më shumë, te taksat e biznesit”, thotë qytetari.
Më tej Rama fton qytetarët e tjerë të flasin konkretisht.
“Kush nga ju mendon që janë rritur? Hë pra se na latë pa muhabet…”, tha Rama me humor.
“Unë kam një garazh, më parë s’kam paguar, tani më thoinë që duhet të paguaj”, u përjgigj një qytetar./a.m.
