Ministri i Drejtësisë, Ulsi Manja, i është përgjigjur akuzave të Gazment Bardhit, i cili tha se ministri Manja ofendoi demokratët duke i cilësuar ata “budallenj”.
Manja tha se fjala e tij është nxjerrë nga konteksti.
Sakaq ai u kërkoi falje demokratëve, nëse fjala e tij është interpretuar si ofendim.
Ulsi Manja: E dalë nga konteksti ‘mos i merrni shqiptarët për budallenj’, në këtë sallë është përdorur dhjetëra herë. Por nëse është kuptuar që demokratët që të marrin për mbrapa janë budallenj, sigurisht që Ulsi Manja nuk bën pjesë te ato njerëz që ka fyer një herë në këtë parlament një njeri. Pa diskutim nëse është kuptuar kështu absolutisht kërkoj falje. Nuk kam fyer njëherë asnjë koleg në këtë sallë. Sa për fjalën kriminel elektoral, këtu nuk jemi për ti treguar njeri tjetrit se kush jam unë e kush je ti. Bëj pjesë në atë gjeneratë të studentëve të fakultetit të drejtësisë që kam mbaruar me të gjitha 10.
