Të tjera detaje zbardhen nga operacioni antidrogë në Llakatund, ku së fundmi u sekuestruan rreth 600 kilogram kanabis në fshatin Drithas. Burime nga policia bëjnë me dije për se kjo pjesë territoriale ku u gjet droga dyshohet se është pronë e shtetasit Myzafer Tushaj dhe të vëllait të tij F. Tushaj.
Lënda narkotike u gjet e fshehur nëpër shkurret e një përroi, e vendosur në disa thasë sintetikë të cilët përmbajnë pluhur të imët, të ngjashme me atë të llojit Cannabis Sattiva.
Krehja e zonës është bere me ndihmën e qenit antidrogë të specializuar për konstatimin e drogës.
Kujtojmë se më herët në një tjetër operacion në Vlorë u sekuestruan rreth 15 ton drogë. Nga operacioni u arrestuan 9 persona, ndër këta 2 punonjës policie dhe 1 kryeplak fshati.
a.ç
