Sylvio Mendes Campos Júnior i njohur thjesht si Sylvinho pritet të konfirmohet në stolin e kombëtares shqiptare të futbollit. Braziliani 48-vjeçar është pranë stolit kuqezi, teksa eksperienca e tij si trajner ka qenë te Lyon dhe Corinthians në kohë të shkurtër.
Agjenti i Sylvinho pranoi në “goal.com” se trajnerin e ndajnë vetëm detajet nga zyrtarizimi në stolin e Shqipërisë. Duket se Sylvinho ka zgjedhur edhe stafin që do e ndihmojë në kombëtaren tonë.
Ndihmësa të tij do jenë Pablo Javier Zabaleta, ish-futbollisti i Manchester City. Argjentinasi 37-vjeçar pak kohë më parë u tërhoq nga futbolli. Veç tij, edhe Dorival Guidonai Junior, ish-lojtari i Sampdorias, Celta Vigos apo edhe Blackpool do jenë pjesë e Kombëtares.
/s.f
