Komisioni Qendror i Zgjedhjeve bëri publik formularët e vetëdeklarimit të deputetëve pas miratimit të ligjit të dekriminalizimit. Disa deputetë të Kuvendit rezultojnë të dënuar për vepra të ndryshme ndërkohë ka edhe nga ata që janë hetuar por nuk janë dënuar.
Sipas këtyre formularëve rezulton që deputeti i Partisë Demokratike, Alban Zeneli është dënuar dy herë, në vitin 1992 me 6 muaj burg për shkelje të rregullave të qarkullimit dhe në vitin 1996 me 30 mijë lekë gjobë për kundërshtim të policisë.
Arben Ristani
po ashtu i denuar edhe deputeti tjetër i PD Arben Ristani, i cili ka marrë dënim 5 muaj me kusht për dhënie vendimi të padrejtë. Ristani ka saktësuar se vepra në fjalë është amnistuar pas vendimit të shkallës së parë.
Gjithashtu ai ka qene edhe 48 ore i ndaluar në mars 1994.
Blendi Klosi
Ministri dhe njëkohësisht deputeti Blendi Klosi është hetuar në vitin 1994 çështje e cila është pushuar në 11 tetor 1994.
Edi Paloka
Kryetari i Grupit Parlamentar të PD-së, Edi Paloka rezulton dy here i denuar, per shpifje dhe organizim i manifestimeve te paligjshme. Paloka ka bërë 10 ditë burg dhe u dënua në 30 nëntor 2000.
Fatmir Mediu
Kryetari i PR-së Fatmir Mediu rezulton se ka qenë njëherë nën hetim nga autoritetet e huaja për një ngjarje të vitit 1998 kur ai u hetua për pengim të forcave të policisë në kryerjen e detytres në Milano të Italisë. Por më pas ka marrë pafajesi nga Gjykata e Lartë.
Deputeti Keltis Kruja deklaron se ka jetuar ne vitin 1997 ne Bolonja te Italisw ku ka kerkuar azil politik.
Deputeti demokrat Mhill Fufi deklaron se ka qenë i ndaluar për akuzën e favorizimit të prostitucionit.
Deputeti i pavarur Tom Doshi deklaron se ka qenë i dënuar me një vit heqje lirie ne vitin 1990 për sjellje të padenjë në shoqëri./a.m.
