Ish-ministri i Jashtëm legjendar i Austrisë dhe kreu i Partisë Popullore Konservatore (VP), Alois Mock, vdiq në moshën 82-vjeçare pas një sëmundjeje të rëndë.
Arritja më e rëndësishme e Mock ishte pranimi i Austrisë në BE më 1 janar 1995, të cilën ai e drejtoi personalisht.
Momenti i tij ndoshta më i famshëm ishte më 27 qershor 1989, kur ai dhe homologu i tij hungarez, Gyula Horn prenë në mënyrë simbolike Perden e Hekurt, në Sopron.
Mock ushtroi detyra të shumta politike, duke përfshirë zëvendëskryetarin, kreun e Partisë Popullore Konservatore (VP), ministrin e Jashtëm dhe ministrin e Arsimit.
Ai përfundoi karrierën e tij politike si anëtar i parlamentit.
Mock vuante nga një çrregullim neurologjik, të cilit i nisi kur ishte ende në detyrë.
Gjatë viteve të fundit, ai u tërhoq nga shfaqjet në publik për shkak të sëmundjes së tij.
Politikanët kryesorë të Austrisë shprehën ngushëllimet e tyre në vdekjen e Mock.
Kreu i VP dhe ministri i Jashtëm, Sebastian Kurz tha se ai ishte shumë i tronditur nga vdekja e Mock.
”Austria humbi një njeri shumë të përgjegjshëm, një personalitet bindës, një austriak dhe një evropian të shkëlqyer”, tha ai./b.d
