Është kjo ara ku sot ishte duke punuar dhe humbi jetën tragjikisht në një fshat të Beratit 16-vjeçari Mikel Blicari. Mbeti i plagosur rëndë i ati i tij, Luftari, pasi të dy ranë në kontakt me rrymën elektrike.
Mikeli shkoi të ndihmonte të atin, në punët e përditshme të bujqësisë, në fshat.
Ishte nxënës shkolle, vetëm 16-vjeç, dhe teksa punonte në arë, fati tragjik do t’ia ndërpritste sot të gjitha ëndrrat në mes.
Milkel Blicari ndërroi jetë sot në fshatin Lapardhë të Beratit, rreth orës 13:30, pak momente pasi ra në kontakt me energjinë elektrike.
Babai i tij është Luftar Bilcari, pas ngjarjes, është dërguar me urgjencë në spital.
Siç shihet vendi ku ka ndodhur ngjarja e rëndë është një arë me misër dhe ajo përshkruhet në mes nga shtyllat që lidhin telat e energjisë elektrike për fshatin.
Raportohet se 16 vjeçari ka qenë duke korrur misër në parcelë kur e ka zënë korenti.
I ati është munduar ta shpëtojë por nuk ia ka dalë. Policia dhe ambulanca kanë shkuar menjëherë në vendin e ngjarjes, por ka qenë e kotë, për të ndihmuar djalin, i cili kishte ndërruar jetë.
Luftar Blicari, babai i 16-vjeçarit është trasnportuar drejt Traumës në Tiranë, por nuk dihet gjendja e tij e fundit shëndetësore.
Një ngjarje tronditëse, që ka shokuar komunitetin e zonës dhe më gjerë.
