Ditën e sotme u arrit një marrëveshje armëpushimi mes Izraelit dhe Hamasit, e cila do të bëjë të mundur lirimin e pengjeve dhe të burgosurve dhe një paqe afatgjatë.
Lajmin e konfirmoi edhe Presidenti i Shteteve të Bashkuara, Joe Biden, i cili zbuloi se marrëveshja e armëpushimit do të kalojë në 3 faza.
Biden tha gjithashtu se ai dhe ekipi i Presidentit të zgjedhur Donald Trump folën si “një ekip” në përpjekjet e tyre për të arritur marrëveshjen e armëpushimit.
Por sapo konferenca për shtyp përfundon dhe Biden largohet, ai pyetet se kush duhet të marrë meritat për marrëveshjen, ai apo Trump.
Biden kthehet prapa dhe thotë: “A është kjo një shaka?”. Dhe me këtë deklaratë të tij mbyllet konferenca për mediat.
Kujtojmë se nga lufta në Gaza kanë humbur jetën dhjetëra mijëra persona, kryesisht civilë të pafajshëm dhe një krizë e madhe urie kishte ‘mbërthyer’ zonën.
