Kush fshihet pas largimit të dy motrave Kajtazi në Durrës?
Prej gati një muaji, Orilada dhe Klevisa Kajtazi rezultojnë të humbura. Pavarësisht se, nuk është hera e parë që adoleshentet largohen nga shtëpia, mospasja e një kontakti për një kohë kaq të gjatë, ka sjellë shqetësim tek familjarët.
Sipas policisë së qytetit Durrësit, ato dyshohet se ndodhen ende në qytetin bregdetar. Blutë kanë dyshime se ato po shfrytëzohen në lokalet e natës, kryesisht në zonën e plazhit, si kamariere apo balerina.
Pikërisht në këtë pjesë të qytetit është fokusuar dhe vëmendja e policisë, duke qënë se aktiviteti i lokaleve në këtë periudhë është mjaft i lartë.
Kontrolle të shumta po kryhen në në lokalet e natës ndërsa burime nga prokuroria kanë thënë se, ka vënë nën përgjim 4 numra telefoni, me të cilët kanë komunikuar motrat gjatë ditëve të fundit.
Sipas tabulateve, një grua rreth të 50 -ve është ajo që ka patur një bisedë me to për herë të fundit. Grupi hetimor është fokusuar tek identifikimi i gruas misterioze, e cila dyshohet se menaxhon dy motrat. Babai, nëna dhe motra e madhe e dy vajzave të zhdukura janë marrë disa herë në pyetje nga oficerët, por nuk kanë mundur të zbardhin motivet e kësaj ngjarje.
Sipas të njohurve të familjes Kajtazi, sjellja e dyshimtë e 18 – vjeçares Orialda ka filluar pas prishjes së fejesës së saj dy vjeçare. Ajo bënte përgjegjës familjen e saj për këtë gjë dhe kjo dyshohet se mund të jetë një hakmarrje.
Mësohet se vajzat u hidhnin vazhdimisht prindërve një medikament që quhej “loram” dhe i vinin në gjumë dhe më pas frekuentoheshin më njerëz të panjohur gjatë natës.
Por kur kanë kaluar 25 ditë nga largimi i dy të miturave, Klevisës 14 – vjeçe dhe Orialdës, e cila nuk i ka mbushur ende 18, policia nuk e ka lokalizuar akoma vendodhjen e dy motrave.
Motrat Kajtazi, më 15 Korrik helmuan prindërit e tyre për herë të fundit dhe dyshohet se i kanë vënë flakën shtëpisë dhe më pas kanë grabitur një shumë prej 5 milionë lekë të vjetra kursime të familjes.
