Qëndrimet mediatike të paautorizuara mund tu kushtojnë diplomatëve përjashtimin nga sistemi. Rregullorja parashikon disa pika të masave disiplinore ndaj diplomatëve. Diplomati i karrierës është përgjegjës për shkeljen me faj të detyrimeve të nëpunësit civil sipas ligjit të Nëpunësit Civil dhe detyrimeve specifike të diplomatit sipas ligjit për Shërbimin e Jashtëm, raporton Shqiptarja.com
Shkeljet disiplinore në Shërbimin e Jashtëm ndahen në shkelje shumë të rënda; shkelje të rënda; shkelje të lehta. Janë shkelje shumë të rënda: mospërmbushja e rëndë e detyrave; mosrespektimi i përsëritur i afateve të caktuara në përmbushjen e detyrave, të cilat kanë sjellë pasoja shumë të rënda; moszbatimi haptazi i dispozitave ligjore për përmbushjen e detyrave funksionale.