Dalin detaje të reja lidhur me djegien e makinës së një efektivi policie në Elbasa.
Ngjarja ndodhi gjatë natës mes të mërkurës dhe të enjtes në lagjen “28 Nëntori”, ku u përfshi nga zjarri mjetin ti “Volkswagen”, në pronësi të Edvin Gjyli, punonjës i Policisë në Komisariatin Elbasan.
Makina ishte i parkuar dhe si pasojë e zjarrit mjeti është djegur pjesërisht.
Emri i Gjylit nuk është i panjohur, pasi disa muaj më parë ai u pezullua nga detyra, i akuzuar se bashkë me tre efektivë të tjerë nxorën sekretin hetimor, lidhur me zbulimin e arsenalit të armëve, në Papër të Elbasanit.
Nën dyshimin si një nga përgjegjësit inspektori i Krimeve të Rënda u pezullua nga detyra.
Gjatë operacionit u bllokuan shtatë automatikë, pesë pistoleta, dylbi, fishekë dhe një automjet fuoristradë.
Ndërkohë nën akuzën e dekonspirimit të operacionit u pezulluan nga detyra Bilal Semanaj, shef i Komisariatit të Cërrikut, Albion Xhitozi, shef i Krimeve në Komisariatin e Cërrikut, Edvin Gjyli, specialist për Hetimin e Krimeve në Komisariatin e Elbasanit dhe Eduart, specialist për Hetimin e Krimeve në Komisariatin e Elbasanit.
Por pas disa muajsh procesesh gjyqësore, Edvin Gjyli u rikthye në detyrë.
Ndërkohë lidhur me djegien e makinës së tij grupi hetimor po punon për zbardhjen e shkakut të zjarrit, teksa paraprakisht dyshohet se mund të bëhet fjalë për zjarrvënie të qëllimshme, për shkak të detyrës së efektivit.
/a.r
