Dikush po përpiqet që të rregullojë marrëdhënien mes Princit William dhe Princit Harry.
Por kush është?
Pikërisht Peter Phillips, djali i Princeshës Anne dhe nipi i Elizabeth II. “The Telegraph” ka thënë se ai po përpiqet që të ndihmojë në ‘paqjen’ për dy kushërinjtë e tij.
“Peter është mësuar të veprojë pak si një rregullues marrëdhëniesh,” thekson njw burim i besuar. “Ai mund ta luajë atë rol përsëri në një përpjekje për t’i afruar së bashku”- shkruan “Telegraph”.
Harry dhe William kanë patur një raport jo të mirë me njëri-tjetrin që pas intervistës së Harry-t dhe Meghan për Oprah-n.
Princi Harry mbërriti menjëherë në Skoci pasi gjyshja e tij, Mbretëresha Elizabeth II ndërroi jetë.
Page Six shkruan se ai arriti së bashku me familjen e tij.
Harry, Mbreti Charles III, Camilla Parker Bowles dhe Princi William mbërritën që të gjithë në kështjellën Balmoral.
Më herët, një përfaqësues i familjes mbretërore bëri me dije se gjendja e Mbretëreshës ishte përkeqësuar dhe të gjithë u shqetësuan.
Më pas, lajmi për ndarjen nga jeta e Elizabeth II u shpërnda në llogarinë e familjes mbretërore në rrjete sociale.
Menjëherë pas vdekjes së Mbretëreshës, fronin e mori Charles. Tashmë ai është Mbret i Mbretërisë së Bashkuar.
/a.r
