Një breshëri kallashnikovi i mori jetën Martin Bardhit mesditën e kësaj të marte në lokalin e tij, në qendër të Rrëshenit.
62-vjeçari, i njohur edhe me mbiemrin Marku, ishte ulur në kafene me disa të afërm të tij kur 2 persona të maskuar, pasi lanë makinën përballë, u futën brenda dhe qëlluan mbi të.
Mjeti i llojit “Jeep Cherokee” ngjyrë e zezë, për të cilin po kryen verifikime se kujt i përket dhe nëse është denoncuar e vjedhur, është djegur plotësisht, siç duket edhe në pamje.
59-vjeçari u arrestua dhe sipas informacioneve kishte fituar lirinë në rrethana ende të paqarta disa kohë më parë, teksa në kërkim ishte djali dhe nipi i tij.
Drejtori i Policisë së Lezhës, Alfred Elezi, tha për mediat se hetimet janë në fazën e parë dhe po sqarohen konfliktet që fisi Bardhi ka pasur me fise të tjerë.
“Jemi akoma në fazën e parë. Dihen konfliktet që ka pasur fisi Bardhi me fise të tjera dhe po punojmë për zbardhjen dhe identifikimin e autorëve”.
Policia tha se kishte nxjerrë në terren forcat speciale RENEA dhe FNSH, duke vendosur postblloqe në Rrugën e Kombit, në drejtim të Kukësit, të Laçit, Lezhës dhe Dibrës./n.j
