Gazment Bardhi ishte i ftuar këtë të hënë në emisionin “Opinion” në Tv Klan. Ai u shpreh se për momentin pozicioni i kreut të PD-së është vakant.
Kujtojmë që pak ditë më parë Bardhi u zgjodh kreu i grupit parlamentar të PD-së pas dorëheqjes së Enkelejd Alibeajt.
Blendi Fevziu: Kush është kryetar i PD-së sot, pjesës tuaj domethënë?
Gazment Bardhi: Momentalisht që flasim ky është një pozicion vakant. Sipas statutit derisa të përfundojë procesi i organizimit të partisë, drejtimin e partisë do duhet ta marrë…
Blendi Fevziu: Sa kohë ka që ky pozicion qëndron vakant?
Gazment Bardhi: Që nga momenti i dorëheqjes së zotit Alibeaj.
Blendi Fevziu: Zotit Basha në fillim sepse edhe Alibeaj ishte i komanduar. Pra një parti politike që hyn në zgjedhje pa kryetar të konfirmuar me kryetar të komanduar, që nuk ka struktura për të bërë zgjedhje normale, ju duket normalitet kjo gjë? Nuk keni mbledhur Këshillin Kombëtar për të konfirmuar ardhjen e Alibeajt në krye si kryetar i komanduar.
Gazment Bardhi: Sepse nuk kishte një alternativë në atë rast. Këshilli Kombëtar mblidhet për të zgjedhur një nga dy kryetarët. Në atë rast ishte vetëm një opsion. Aktualisht jemi në të njëjtën situatë. PD-ja ka vetëm një nënkryetar në detyrë që është zonja Jorida Tabaku.
/a.r
