Artur Mahmutaj, ish-zëvendësdrejtori i Përgjithshëm i Hekurudhës, i vendosur në këtë detyrë me propozim të LSI, prej disa ditësh mbetet i arrestuar në Itali, ku u arrestua në posedimin e 76 kilogramëve kokainë.
Problemet me drejtësinë për Mahmutajn nuk janë të reja. Në vitin 2015 ai qëndroi për tre muaj në paraburgim, përpara se të lihej i lirë nga Gjykata e Durrësit, ndonëse kishte prova të qarta që e lidhnin atë me një laborator droge të zbuluar në një magazinë në pronësi të tij.
Gjykatësja Anita Mici, e emëruar në muajt e fundit të qeverisë Berisha dhe dekretuar si gjykatëse në Gjykatën e Apelit të Durrësit nga Presidenti Nishani, (SHIH – http://president.al/?p=33207), ishte në fakt protagonistja kryesore e atij vendimi arbitrar.
Për fat të keq, ky nuk është i vetmi vendim skandaloz i kësaj gjykatëse. Pak kohë më parë, ajo shpalli të pafajshëm ish-kryeinspektorin e Mjedisit në Durrës, Genci Ballën, edhe ai i emëruar nga LSI, për akuzën e “korrupsionit pasiv”.
Lirimi i Ballës u bë ndonëse ishte arrestuar në flagrancë në kryerje të veprës penale dhe ekzistonin të gjitha provat e nevojshme, të referuar nga policia.
Pavarësisht se kryeinspektori u shpall i pafajshëm, në atë çështje përfundoi në burg vartësi i tij. http://www.panorama.com.al/durres-prokuroria-perplaset-me-gjykaten-vendim-te-pabazuar-ne-ligj-dhe-ne-prova/
Asokohe, vendimi u konsiderua publikisht edhe nga vetë Prokuroria si “skandaloz”.
Emërimi i gjykatëses Mici ka ngjallur polemika që në vendimin e parë të KLD-së, në mars 2013, kur mediat e konsideruan emërimin e saj si një “farsë”, për shkak të afërsisë së saj të njohur me familjen Berisha. https://sot.com.al/politike/mbyllet-farsa-e-zgjedhjes-s%C3%AB-gjyqtar%C3%ABve-t%C3%AB-administratives-shkelet-ligji-komisioni-me
/Lexo.al/a.m.
