Ky që shikoni në foto është efektivi i policisë, Roland Bicerri, i cili u vra aksidentalisht nga djali i tij 7-vjeçar, teksa luante bilardo.
Ngjarja u regjistrua mesditën e sotme rreth orës 13:25, në rrugën “Shyqyri Brari”, pranë Kopshtit Zoologjik në Tiranë.
Roland Bicerri u qëllua me një plumb të vetëm, duke ndërruar jetë pak më vonë në spital.
Policia e Tiranës sqaron se efektivi u qëllua aksidentalisht nga djali i tij i mitur. Viktima ishte duke luajtur bilardo në një lokal me miqtë e tij, ndërsa dyshohet se djali ka marrë armën e shërbimit të të atit nga çanta dhe ka qëlluar.
Roland Bicerri mësohet se ishte pjesë e repartit të FNSH-së prej 10 vitesh.
/a.r
