Autoritetet policore në Shkodër kanë shoqëruar të paktën 20 persona, të cilët po merren në pyetje për vrasjen e 30-vjeçarit Arjan Ferracaku.
I riu u gjet i vrarë mesditën e së shtunës në zonën e Livadhes, pranë liqenit. Ai kishte dalë sëbashku me dy kushërinjtë e tij për të bërë xhiro me kalë, kur u qëllua për vdekje nga persona ende të paidentifikuar.
Gjatë ditës së shtunë, policia mori në pyetje dy kushërinjtë që ndodheshin me viktimën, si dhe familjarë të tij, megjithatë deri më tani nuk ka asnjë të dhënë mbi autorët e kësaj ngjarjeje.
Burime për ABC News thonë se dyshimet janë që 30-vjeçari mund të jetë mos ketë qenë objektiv i atentatit dhe mund të jetë vrarë gabimisht.
Ferracaku nuk njihej si person problematik, ndërsa babai i tij është pronar i disa bizneseve.
/b.d
