Kush e 'tradhtoi' Berishën? Emrat e deputetëve të PD që votuan pro rritjes së pagave

Dje në Kuvend u miratua rritja e pagave. Nga miratimi i këtij ligji do të përfitojnë 130 330 punonjës të administratës dhe 250 funksionarë politikë që e kanë pagën të lidhur me presidentin, pra sipas hierarkisë.

Por sa do të përfitojnë punonjësit e administratës, gjyqtarët, deputetët, ministrat, kryetarja e kuvendit, kryeministri dhe Presidenti?

Deputetët janë më me fat, pasi përfituan rritjen më të madhe me 98%, ministrat 82%, 72% rritje kryeministri, Presidenti 65% më pas administrata, 10–35 mijë lekë.

Rritja u miratua dhe do të dekretohet, por sipas kryeministrit administrata do ta marrë rritjen duke filluar llogaritjen që në datë 1 Prill.

Pra në qershor kur të merrni pagën e majit do të keni edhe rritjen e muajit Prill. Projektligji u miratua edhe me votat e një pjese të opozitës, PD-së zyrtare. Por kush votoi pro dhe kundër.

Deputetët e opozitës që votuan pro:

Ferdinand Xhaferraj

Ramadan Likaj

Gazmend Bardhi

Bledion Nallbati

Agron Gjekmarkaj

Xhelal Mziu

Merita Bakiu

Emilja Koliqi

Mesila Doda

Sajmir Koreshi

Kreshnik Collaku