Kancelari i Austrisë Sebastian Kurz ka bërë bashkë në një takim kryeministrat e Ballkanit Perëndimor në Forumin “Ekonomia takohet me politikën”.
Gjatë fjalës së tij, kancelari konfirmoi mbështjen e Austrisë për Ballkanin Perëndimor, ndërsa shtoi se BE është e paplotë pa integrimin e Rajonit.
Kurz theksoi se Austria po bën gjithçka për integrimin e rajonit në BE.
“Ishte kënaqësi të filloja javën me një takim me 5 liderët e Ballkanit Perëndimor dhe Johanes Hahn për të diskutuar për perspektivën e Ballkanit Perëndimor në BE dhe bashkëpunimin rajonal. Mbështetja e BE-së për Ballkanin Perëndimor është një nga prioritetet e Presidencës sonë. Ne po bëjmë gjithçka që mundemi për të ndihmuar shtetet e Ballkanit Perëndimor për integrimin në BE. Për mua, BE-ja është e plotë vetëm kur Ballkani të jetë pjesë e saj”, deklaroi Sebastian Kurz
Kreu i qeverisë shqiptare falënderoi homologun austriak Sebastian Kurz për qasjen europiane drejt vendeve të Ballkanit Perëndimor.
“Më duhet të falënderoj Kancelarin që na priti këtu dhe duhet të them që për vendet e Ballkanit Perëndimor, vizita në Austri duke gjithmonë si të jesh në shtëpi. Kjo është një ditë e bukur për të gjithë ne.
E para që jemi shumë të përkushtuar ndaj bashkëpunimit rajonal dhe jemi shumë mirënjohës për punën mbikqyresë të Komisionerit Hahn
Dhe e dyta, që jemi duke u përballur me sfida e bashkëpunimit dhe kuptojmë se është një proces që asgjë nuk është e lehtë, por jam i sigurtë se ne do t’i kalojmë problemet, dhe do u japim njerëzve atë që meritojnë.
I jam mirënjohës kryeministrit Kurz për qasjen europiane dhe këtë luftë të dëshpëruar për të liberalizuar vizat e Kosovës” tha Rama.
Komisoneri Hahn deklaroi se zgjerimi i BE drejt Ballkanit Perendimor është përparësi kyçe e presidencës së BE
‘Zgjerimi i BE drejt Ballkanit Perendimor është përparësi kyçe e presidencës së BE dhe kemi bërë hapa konkret për ta provuar këtë angazhim tonin. Krijimi i nje zone ekonomike rajonale eshte parakusht per integrimin ne tregun evropian’, tha Hahn
Në takim merrnin pjesë kryeministrat e Shqipërisë Edi Rama, Bosnjës dhe Hercegovinës Denis Zvizdiq, Kosovës Ramush Haradinaj, Serbisë Ana Brnbibiq dhe i Malit të Zi, Dushko Markoviq, ndërsa Zoran Zaev nuk do të marrë pjesë për shkak të situatës politike në Shkup.
Javanews/a.ç
