Mbrëmjen e djeshme, emisioni Thumb i Aulonës dhe Fatmës ka pasur të ftuara dy prej figurave më të njohura të artit dhe ikonat shqiptare, Margarita Xhepa dhe Tinka Kurti.
Në një bisedë për të rikujtuar kantautorin e parë shqiptar, Françesk Radi, dy aktoret e njohura kanë treguar kujtimet më të bukura me të ndjerin, ato më gazmoret dhe sigurisht, përshtypjet e tyre për artin e tij.
Fundin e intervistës, Tinka Kurti zgjodhi ta bënte me një shprehje mjaft të bukur e domethënëse.
“Ne jemi në një fushë futbolli ku është një perde. Pas saj janë regjisori, punëtorët e skenës kurse para jemi ne aktorët”, – ka thënë aktorja e mirënjohur dhe e nderuar me shumë çmime.
“Por, unë bëj një pas të bukur dhe golin e bën Robert Ndrenika, dhe të gjithë (publiku) bërtasin ‘Rroftë Robert Ndrenika’ e ne të tjerave na lënë në hije”./a.ç
