Kryeministri Albin Kurti dhe Ministrja e Punëve të Jashtme të Kosovës Donika Gërvalla kanë thënë për T7 se nuk do të mbahet referendumi i Serbisë në Kosovë as legalisht as ilegalisht. Kryeministri Kurti ka paralajmëruar veprime nëse mbahet referendumi ilegalisht.
Kjo pasi që në Mërdare, natën e mbrëmshme, Policia e Kosovës ndaloi dy kamionë që po fusnin material zgjedhor në vendin tonë. Si pasojë 6 persona fillimisht u arrestuan, e pastaj u kthyen për Serbi gjatë ditës.
Këtë gjë e bëri të ditur kryeministri i vendit Albin Kurti, në një deklaratë për T7.
Edhe vartësja e tij, zv/kryeministrja e kryediplomatja Donika Gërvalla. tha për T7 se referendumi nuk do të lejohet të mbahet, as legalisht e as ilegalisht.
Ajo gjithashtu shtoi se raportet me shtetet e Qunitit dhe me Shtetet e Bashkuara të Amerikës mbesin të shkëlqyera edhe përkundër refuzimit për mbajtjen e referendumit.
Gjatë ditës, Kuvendi i Kosovës ka miratuar rezolutën kundër referendumit të Serbisë në Kosovë me 76 vota pro dhe vetëm 1 abstenim, në një seancë të jashtëzakonshme. T7
