Deputeti i Vetëvendosjes, Albin Kurti, tha se Kosova është një vend i vogël por e ka një qeveri të madhe. Sipas tij kjo qeveri e madhe në numra, vendosi që t’ia rriste vetes rrogat dhe për të u arsyetuar më vonë vendosi që t’i rriste rrogat edhe sektorit publik. Kjo, pasi ishte kryeministri Ramush Haradinaj që propozoi rritje të pagave të gjithë kabinetit qeveritar, duke nisur nga ai vetë.
“Kosova është vend i vogël me qeveri të madhe. Sikur kjo të mos mjaftonte, kjo qeveri e madhe i’a dyfishoj pagën vetvetes. Për të u arsyetuar dy javë më vone u’a rriti pagën edhe punëtorëve të sektorit publik dhe skemën sociale. Shumica e njerëzve besojnë që motivimi është rroga”, tha Kurti.
Kurti e cilëson këtë vendim si vjedhje dhe hajni duke thënë se kjo qeveri nuk po bënë ekonomi por vetëm financa.
“Të ja rrisësh pagën vetës, është hajni dhe vjedhje. Edhe me këtë qeveri ne nuk bëjmë ekonomi por vetëm financa. Kjo qeveri i rrit pagat pavarësisht rritjes ekonomike dhe atë vetëm vetvetës”, tha Kurti.
a.ç
