Kishin të njëjtin profesion, madje punonin me të njëjtit njerëz, por vonë u kishte rastisur të takoheshin. Johny Depp e Angelina Jolie ishin takuar pak para se të nisnin xhirimet e filmit “The tourist”.
Por, të dy ishin shoqëruar menjëherë me njëri-tjetrin. Kështu ka treguar vet Depp, e fjalët e tij i ka cituar Jolie, shkruan Indeksonline.
“Ajo është shumë gazmore. Është e përkushtuar në punën që e bën dhe është shume e mençur.
Ajo ka një sens pervers të humorit. Çuditërisht, ne ishim takuar pak para se të nisnim këtë dhe ishte e habitshme sepse ne kishim shoqëri të përbashkët, madje punonim me njerëzit e njëjtë.
Kur u ulëm bashkë, e gjetëm menjëherë njëri-tjetrin. Për pak minuta ne nisëm të flasim për fëmijët tanë, për të qenit prind dhe për shumçka tjetër”, kishte thënë Johny Depp kur ishte pyetur se si ishte të takonte dhe të punonte me Angelina-n. (b.an)
