Pas bombardimeve ajrore turke mbi militantët komunistë të PYD, që njihet ndryshe si pjesë e ekstremistëve të PKK, ata i kanë shpallur luftë Turqisë. Konflikti dhe bombardimet u thelluan pas marrjes së kontrollit të Sirisë veriore nga kurdët prej rebelëve të moderuar.
“PYD përkundër që njihet si terroriste nga Turqia, de fakto ka qenë e mbështetur prej SHBA dhe Rusisë”, shkruajnë mediat turke si Daily Sabah. PYD njihet edhe si organizatorja e sulmit terrorist në qendrën e Ankarasë ku vdiqën 28 persona dhe u plagosën 61 të tjerë.
Në videon e nxjerrë prej militantëve kurdë theksohet “si banorë të Amudes, prej tani, ne mbrojmë interesat e popullit tonë. Kjo duke shfrytëzuar të gjitha mënyrat”. Deklarata mbështetet nga YPG, YPJ dhe HPJ.
Ata kanë akuzuar Erdoganin, duke e kërcënuar se do “mbytet me gjakun e tij”. Kjo duket se do thellojë më tepër krizën e Luftës Civile në Siri, duke e kthyer “luftën verbale” jo vetëm mes Perëndimit dhe lindjes, por edhe mes Turqisë, SHBA dhe Rusisë.
