Përballja me zjarret duket se ende nuk pa përfunduar.
Situata është përkeqësuar në Mal Milot të Kurbinit ku flakët tashmë kanë përfshirë kurorën me pisha dhe i janë afruar banesave, raporton gazetari i Klan News, Martin Marku.
Autoritetet përkatëse kanë kryer evakuimin e banorëve të zonës ndërsa për izolimin e rrezikut për ndërhyhet nga toka e gjithashtu nga ajri me një helikopter. Gjatë natës në terren janë angazhuar 35 forca të bashkisë, 20 efektivë të Forcave të Armatosura dhe 4 mjete zjarrfikëse të mbështetura nga 2 autobotë për furnizimin me ujë.
Situata po ndiqet nga afër dhe nga prefekti i Lezhës ndërsa mbrëmjen e djeshme në vendngjarje ka qenë dhe ministri i Brendshëm Besfort Lamallari.
20 vatra zjarri janë raportuar gjatë 24 orëve të fundit, 9 prej të cilave raportohen aktive.
