Vëllai i Zhaneta Josifit, Sejman Fejzo ka zbuluar të tjera detaje tragjike nga vetëflijimi i motrës së tij dhe mbesës, Anisës, në banesën e tyre në Kombinat.
Ai zbuloi në emisionin “Me zemër të hapur”, se me Anisën ishte takuar në janar të vitit 2018, ndërsa ajo i kishte shprehur se kishte besimin e saj si të gjithë të tjerët.
“Anisa ka punuar, por me shkëputje. Zhaneta ka punuar deri në kohën e pandemisë. Unë kam shkuar kur kishte hyrë brenda çupa, kam vajtur dhe e kam nxjerrë nga dhoma, si jam zënë me motrën dhe vajzën tjetër. Ka ardhur në dhomën tjetër dhe më ka thënë; “O dajë pse shqetësohet. Çdo njeri ka bindjet e tija. Neve kemi bindjet tona. Do dalim do të gëzohemi!”. Biseda e fundit ka qenë në janar të vitit 2018 me Anisën. Më pas kur shkoja më gënjenin; po lexon, po fle, po pi kafe me një shoqe. Vdekja e kunatit tim e di i gjithë Përmeti. Nuk e di se ka qenë i lidhur me këto gjëra. Ai i dha fund jetës vetëm nga sëmundja. Se di që ka qenë ashtu siç po dëgjoj. Motra dhe vajzat nuk dilnin. Nuk vinin në asnjë vend as në dasma, as në gëzime, as hidhërime.”,- tha Fejzo.
/e.rr
