Me fillimin e sezonit të ri të Arian Çanit përveç të ftuarve një tjetër kuriozitet i cili u shua ishte dhe prezantimi me asistenten e tij të radhës, “Sofinë e re”.
Edhe këtë herë Çani është kujdesur të zgjedhë një bukuroshe bionde, e cila ka një të shkuar si modele. 18-vjeçarja Adea Mehmetaj ka rrëfyer emocionet pas spektaklit të parë për gazetën Express.
E pyetur për ndjesitë ajo ka thënë:
“Fillimisht isha pak e emocionuar, pasi edhe pse kam patur eksperiencë për mua ka qenë diçka ndryshe, për të cilën nuk isha ambientuar më parë,”-thotë Mehmetaj.
Adea thekson gjithashtu se përzgjedhja e saj është bërë me anë të kasting dhe se ende nuk është vendosur nga produksioni nëse ajo do të jetë “Sofia” përgjatë gjithë sezonit, apo një “Sofi në provë”, siç u shpreh edhe Çani në fillim të emisionit. Gjithashtu ajo shprehet se ndihet mjaft mirë gjatë punës me gazetarin Arjan Çani: “Çani është shumë i kuptueshëm në çdo gjë, kur punoj me të ndihem shumë mirë,”-thotë modelja për Express. 
Ndërkohë për veten e saj ajo shprehet se është një tip që i adhuron aventurat dhe mundohet të bëjë çdo herë të tilla me shoqërinë e saj të ngushtë. Sipas saj një nga arsyet që ndihet kaq e lirë dhe që mundtë bëjë çfarë të dojë është fakti se nuk ka një mashkull në jetën e saj.
Bukuroshja është shprehur gjithashtu se për modelingu është thjesht një pasion, por në të ardhmen e sheh veten dhe dëshiron të jetë pjesë e sfilatave të rëndësishme ndërkombëtare. Mbetet për t’u parë nëse Adea do të jetë “fituesja” për të qenë “Sofia e përhershme” e Çanit këtë sezon./
