Shefja e Departamentit të Epidemiologjisë në ISHP Silva Bino ka postuar një video ku tregon mitet dhe faktet për Covid ndërsa kërkon nga qytetarët që të vaksinohen kundër sëmundjes që ka marrë miliona jetë në botë deri tani.
Bino u kërkon të mos u besojnë miteve që një pjesë e njerëzve thonë se “kur nuk më ka zënë deri tani jam imun”, pasi variantet e reja janë tepër të transmetueshme dhe mund të çojnë deri në vdekje.
“Kjo është një përshtypje shumë e gabuar pasi cdo person mund të infektohet nga Covidi.
Këta persona mund të kenë qenë të infektuar, por në mënyrë asimptomatike, nga ana tjetër mund të riinfektohen me variantet e reja, që janë tepër të transmetueshme dhe duke mos qenë të vaksinuar mund të bëhen forma të rënda të sëmundjes. Bile mund të shtrohen në spital dhe mund të shkaktohen për fat të keq edhe vdekje.
Kjo është arsyeja që cdo person e ka kaluar apo jo COVID duke të vaksinohet” shprehet Bino. Dje u shënuan mbi 800 raste brenda 24 orëve dhe tre viktima, ndërsa ministria e Shëndetësisë vendosi që edhe muaji shtator, ashtu si gushti të jetë i hapur për vaksinime.
g.kosovari
