Ndonëse dhjetëra punëtor bashkiak duhet të punojnë edhe ditët e pushimit apo të festave për të mirëmbajtur lulishtet dhe gjelbërimin që Tirana të duket më e bukur, ka nga ata qytetar të përgjegjshëm që pronën e përbashkët e trajtojnë si privaten duke mos nguruar edhe ta vandalizojnë atë.
Një rast të tillë e ka denoncuar piktori dhe pedagogu i artit, Shpend Bengu nëpërmjet një postimi në rrjetet sociale. Ai ka sjellë rastin e gruaje, e cila sipas tij fillimisht këput një gjethe nga pemët dekorative në lulishtet e Tiranës dhe pasi konstaton se nuk po e shikon njeri, mbush më pas një çante të tërë me to a thua se e kishte pronën e saj.
“Kur kopshtin publik në mes të Tiranës e ngatërron me pyllin nga ke ardhur. Këputi gjethen e parë, gjoja për t´i marrë erë. Hodhi vështrimin rreth e qark, për të parë nëse dikush po e shikonte gjestin e saj “të kulturuar” (se vetëm një gjethe këputi) dhe pasi u sigurua nga burri vigjilent se nuk e kishte mendjen njeri tek gjesti i saj “i qytetëruar”, filloi të mbushte çantën, me tufat e gjetheve të KOPSHTIT PUBLIK”, shkruan piktori Shpend Bengu.
/a.meta
