• Kontakt
  • Kreu
  • Rreth Nesh
Monday, November 9, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Aktualitet

Kur e kupton, se e ke kokën në sininë e Lulzim Bashës

by Mero Baze
30/10/2019 20:50
Shperndaj ne FacebookShperndaj ne Twitter

Nga Mero Baze

Grida Duma duket se e ka seriozisht betejën për të bindur PD-në, të bëjë pjesë të platformës së saj, ndryshimin e sistemit zgjedhor, lidhur me pikën e listave të hapura. Në disa dalje publike, ajo është fokusuar vetëm në këtë pikë.

Nuk është se ka ndonjë ide të studiuar mbi ndryshimet që duhet të pësojë Kodi Zgjedhor, apo teknikalitete të tjera. Duket që ka një kërkesë tërësisht politike, e cila ka të bëjë me listat e hapura në sistemin propocional. Pra kërkon që ashtu si në sistemin e Kosovës, qytetarët të kenë mundësi të përzgjedhin nga lista që rendit partia, kandidatët që ata dëshirojnë më shumë.

Shqetësimi i saj është shumë i lexueshëm, si shqetësim politik, dhe jo si eksperte elektorale. Si një shqetësim që nuk vjen nga defektet në zgjedhje, por nga mungesa e demokracisë në partitë politike shqiptare.

Grida Dume tani dukshëm ndjehet e pasigurtë nga Lulzim Basha. Ndjehet e anashkaluar prej tij, por ka idenë që është popullore tek demokratët dhe shpreson që ta fitojë betejën në luftën e ftohtë me Bashën, përmes listave të hapura.

E gjitha kjo ndodh, pasi debutimi i saj i parë politik si deputete, erdhi pikërisht nga listat e mbyllura. Falë tyre, Lulzim Basha spastroi gjithë rivalët e vet në parti. Ai me një të rënë të lapsit, hoqi nga gara Topallin, Patozin, Boden, Imamin, Bregun, Rulin, dhe figura të tjera të PD, për t’i hapur rrugë Gridës, Salianjit, djalit të Fahriut dhe disa anonimëve të tjerë në PD.

Falë listave të mbyllura dhe fuqisë së kryetarit, Grida Dume sot është në politikë. Nëse do kishte lista të hapura më 2017, ajo nuk do të ishte deputete.

Por tani ajo e ndjen se koka e saj dhe e të tjerëve është dorëzuar në sininë e Lulzim Bashës. Kjo i duket diçka e rrezikshme për të vazhduar më tej. Dhe tani ka të drejtë.

Por a mund t’i korrigjojmë defektet e mungesës së demokracisë në partitë shqiptare, me ligjin elektoral?

Natyrisht që jo. Defektet brenda partive politike shqiptare, janë një betejë që duhet bërë brenda partive dhe tek ligji i partive politike.

Shumë parti politike janë të paligjshme në veprimtarinë e tyre. Por mbi të gjitha, kryetarët e tyre sillen si pronarë të partive, duke injoruar çdo problem që i hapin partisë.

Kryetari i Partisë Demokratike, Lulzim Basha, ka bërë pagesa të paligjshme prej 670 mijë euro në emër të PD, pagesa që po kompromentojnë imazhin perëndimor të PD, pasi po e lidhin me financime ruse, dhe askush në PD nuk ka reaguar për këtë. Përkundrazi, i kanë dalë zot kryetarit të tyre.

Kryetari i PD është tallur me PD, duke çuar listën e kandidatëve për deputetë në orën 12 të natës në KQZ, duke e konsultuar vetëm me kunatin e tij, dhe askush në PD nuk ka reaguar për këtë, përveç atyre që nuk ishin në listë.

Kryetari i PD ka marrë vendim të djegë mandatet dhe të mos hyjë në zgjedhje, duke ua komunikuar vendimin organeve të zgjedhura të PD, pa i pyetur realisht ato, dhe tani rrijnë e shajnë në tavolina, po kurrë në publik.

Përpjekja për t’i marrë pushtetin Lulzim Bashës duke ndryshuar sistemin zgjedhor, është naivitet. Lulzim Basha është shumë i qartë për favoret që i jep ky sistem elektoral për të qenë zot i partisë dhe për të vendosur heshtjen në korridoret e saj.

Ai e di se mund të gënjejë, siç gënjen për dy vilat që ka marrë nga një “oligark” i Edi Ramës, dhe askush nuk flet nëpër korridore.

Ai e di se mund t’u vendosë gjoba familjare “oligarkëve”, dhe askush nuk flet për pazaret e tij me ta nëpër korridore.

Ai e di se të gjithë kur heshtin, kanë parasysh pikërisht ato listat që Grida Duma i do të hapura.

Është naivitet i madh t’i kërkosh Lulzim Bashës, të dorëzojë të vetmen fuqi që ka brenda PD, pa Berishën.

Sistemi elektoral me lista të mbyllura, është e vetmja hipotekë që ai ka brenda PD. Është më lehtë të heqësh Lulzim Bashën nga kryetar me betejë brenda PD, se sa ti heqësh atij nga duart të vetmin mekanizëm që ka për të detyruar të tjerët ta respektojnë në PD.

Ndaj nëse zonja Duma ka vendosur të niset për luftë kundër sistemit, është mire ta fillojë betejën me pronarin e sistemit. Ai quhet Lulzim Basha.

Kundërshtari i tij Edi Rama është kujdesur për t’ia  lënë të gjitha propozimet në dorë opozitës, lidhur me reformën zgjedhore. D.m.th ja ka shtuar dhe një nder më shumë Lulzim Bashës.

Ndaj është naivitet të bësh betejë për të sqaruar Lulzim Bashën, mbi përparësitë e listave të hapura. Ai e di shumë mire, ndaj i do siç janë. Të mbyllura.

Next Post
OKB, në alarm: Ndryshimi i klimës dëmton transportin detar

OKB, në alarm: Ndryshimi i klimës dëmton transportin detar

Leave a Reply Cancel reply

Your email address will not be published. Required fields are marked *

TË FUNDIT

FOTO/ Policia identifikon 17-vjeçarin që dyshohet se hodhi gurë drejt Kryeministrisë

FOTO/ Policia identifikon 17-vjeçarin që dyshohet se hodhi gurë drejt Kryeministrisë

November 8, 2026
Skënderbeu mposht Dinamon 2-0 në Korçë

Skënderbeu mposht Dinamon 2-0 në Korçë

November 8, 2026
Aksident dramatik dhe i i shumëfishtë pranë nyjes lidhëse të autostradës Durrës-Tiranë, makina përmbyset pas përplasjes së tri mjeteve

Aksident tragjik në Durrës, 26-vjeçarja përplas për vdekje këmbësorin

November 8, 2026
“E di se akuzat i ka shumë të rënda”, Minxhozi: Meta po përpiqet ta bëjë historinë e tij sa më të vështirë

Dy protesta që i morën frymën njëra-tjetrës

November 8, 2026
9 elektricistë humbën jetën në punë gjatë vitit 2026, alarm për sigurinë e punonjësve të energjisë

9 elektricistë humbën jetën në punë gjatë vitit 2026, alarm për sigurinë e punonjësve të energjisë

November 8, 2026
Hapja e listave/ “Të gjithë të barabartë”, Kume: Vendimi i Kushtetueses, shuplakë që iu jepet ligjvënësve!

Kume: Të bëhet reformë zgjedhore konkrete, jo të bëjnë sikur punojnë!

November 8, 2026
Rezistenca ndaj antibiotikëve alarmon ekspertët, 35 mijë viktima çdo vit në BE, rrezikohen 39 milionë jetë deri në 2050

Rezistenca ndaj antibiotikëve alarmon ekspertët, 35 mijë viktima çdo vit në BE, rrezikohen 39 milionë jetë deri në 2050

November 8, 2026
Irani i dërgon mesazh SHBA-së: Zgjidhni fundin e luftës ose përballjen ushtarake!

Irani i dërgon mesazh SHBA-së: Zgjidhni fundin e luftës ose përballjen ushtarake!

November 8, 2026
Pr.buxheti 2027/ PBB-ja kalon 30 mld €, ekonomia rritet me 3.9%, të ardhurat për frymë arrijnë në 12,886 € në vit

Pr.buxheti 2027/ PBB-ja kalon 30 mld €, ekonomia rritet me 3.9%, të ardhurat për frymë arrijnë në 12,886 € në vit

November 8, 2026
Të gjithë shpresat tek Erioni

Përse po protestohet anë e kënd Europës?

November 8, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In