E dinit që edhe konsumimi i kafes ka një orar të caktuar që i bën mirë organizmit tonë? Për disa persona rituali i pirjes së kafesë është gjëja e parë që e bëjnë pasi të zgjohen në mëngjes. Por, a është kjo koha më mirë për të konsumuar kafenë?
Kur bëhet fjalë për kafenë, zonë biologjike së cilës duhet t’i kushtojmë vëmendje është niveli i kortizolit – hormon ky të cilin e lidhim me stresin dhe me shpejtësinë e reagimeve tona mendore dhe perceptive.
Më shumë kortizol në trupin tonë do të thotë që ju jeni për nga natyra më vigjilent dhe më të fokusuar”, sqaron Steven Miller në llogarinë zyrtare të Shoqatës për Neuroshkencë (Neuroscience DC) në Twitter.
Sa më vigjilent dhe më të fokusuar që jeni, kafeja do të jetë më pak efektive. Pra, nëse kemi pirë kafe në një kohë kur vigjilenca jonë është në kulmin e saj, efektin e zgjimit të cilin e ka kafeja nuk do të mund ta shfrytëzojmë. Prandaj, kafen tonë duhet ta konsumojmë në kohën kur niveli i kortizolit në trupin tonë është më i vogël”, thotë Miller.
Edhe pse kortizoli arrin nivelin më të lartë në mes të orës 8 dhe 9, niveli i tij rritet edhe disa herë gjatë ditës: në mes të orës 12 dhe 13 dhe 17:30 dhe 18:30.
a.ç
