Vrasësi me pagesë i Bandës së Tritolit Julian Sinanaj porositë për personat që do të ekzekutonte i merrte edhe me e-mail.
ReportTv ka arritur të sigurojë e-mailin me të cilën Sinanaj mori porosinë për të ekzekutuar biznesmenin e gazit P.B, vrasjen e të cilit sipas hetimeve të Prokurorisë e vendimit të gjykatës e porositi ortaku i tij Ilir Karcini.
Paswordin e këtij e-mail në kohën që u porosit krimi e mbanin njëkohësisht dhe Sinanj dhe Karçini, ndërsa kjo adresë është bazuar në në titullin e një filmi shqiptar “Beni ecenvetë”.
ReportTv zbardh e-mailin në të cilin Julian Sinanaj vrasësi me pagesë i bandës së tritolit merrte porosi për të ekzekutuar kundrejt pagesave nga 50 në 100 mijë euro persona të ndyrshmë mes tyre biznesmen.
Sic dhe shihni në këtë faksimile të siguruar nga ReportTv, beniecenvete@gmail.com është adresa me të cilën u porosit ekzekutimi i i biznesmenit P.B nga ish ortaku i tij Ilir Karcini.
Por si funksiononte komunikimi në këtë adresë elektronike midis vrasësit me pagesë dhe personave që porositnin krimin.
Për të qenë i besueshëm Julian Sinanaj paswordin e kësaj adresë e ndante me personin që porosiste vrasjen dhe që të dy bashkë komunikonin më pas vetëm me anë të e-mailit dhe gjithçka kontrollohej në kohë reale nga të dy.
Julian Sinanaj, biznesmenin në fushën e hidrokarbureve dhe gazit Ilir Karcini rezulton sipas hetiemve se e ka njohur nga Genis Mëhillaj me të cilin ka bashkëpunuar dhe më parë.
Por pas takimit të parë ku të pranishëm kanë qenë të tre, në të dytin e deri në momentin final të arrestimit rezultons e Sinanaj e Karcini kanë shmangur Mëhillaj dhe nuk i kanë treguar atij as për komunikimet me e-mail.
Hetuesit kanë mundur të sigurijnë disa të dhëna nga ky e-mail mes të tjerave dhe një komunikim nga biznesmenit Karcini për llogari të Sinanaj ku i shkruan “ kur do të festojmë” referuar këtu vrasjes dhe pjesës tjetër të pagesës.
Vrasja e shtetasit P.B u shmang pasi Ndricim GJokonaj tregoi në polici planin e Julian Sinanajt ndërsa ky i fundit më 5 shkurt 2014 u prangos nga policia e Tiranës, e cila arriti që në tabletin e Sinanjt të zbardh dhe komunikimet e tij me Ilir Karçinin i cili nga laptop i zyrës i shkruante vrasësit për krimit që e kishte paguar.
Më 09/03/2017 Apeli i Krimeve të Rënda vendosi dënimin me 30 vite për Sinanajn, 8 vite për Ndricim Gjokonajn, 8 vite për Marion Mitron dhe 5 vite për Ilir Karcinin.
Ndërsa për Andon Mëhillajn, Genis Mëhillajn, e Albin Mexhajn nuk pranoi apelimin duke lënë në fuqi dhe burgun përjetë ndaj Andonit.
a.c
