Kryeministri Edi Rama ka reaguar për herë të parë për vjedhjen e shtëpisë së ish-zyrtares Alda Klosi nga pastruesja Rozeta Dobi, e cila në bashkëpunim me të birin i vodhi mijëra euro. Në Tëitter, Rama shkruan se reforma në drejtësi bëhet për të pastruar “llumin” duke iu referuar ish zyrtares.
“Nuk e di kur do ta kuptojnë disa që Reforma në Drejtësi dhe forcimi i institucioneve ligjzbatuese bëhen pikërisht për të pastruar llumin!
Prandaj kur del llumi falë punës së këtyre institucioneve, s’duhet harruar se këto janë provat e vullnetit tonë kundër korrupsionit!“, shkruan kreu i qeverisë.
Më tej, Rama shprehet se kur faktet tregojnë se është shkelur ligji për përfitime të paligjshme, duhet t’u shkohet deri në fund këtyre historive.
“E thënë ndryshe, në një kohë tjetër policia apo drejtësia nuk ia nxirrnin kurrë lakrat në shesh njerëzve të veshur me kostum zyrtar, ndërsa sot kohët ndryshojnë përditë për mirë edhe në këtë drejtim! Sepse sot vullneti politik është i plotë dhe mburoja e vjetër politike ka rënë!
Unë uroj vetëm që t’u shkohet sa më shumë deri në fund historive të ulëta me para të pista dhe forca e ligjit të mos ndalojë përpara askujt, kur faktet provojnë se është shkelur ligji për përfitime të paligjshme, nga kushdoqoftë.”, përfundon kreu i qeverisë./m.j
Imagjinoni se cfare rrezikut kane patur shqiptaret e mjere me k/hajdutin,me bandat e tje,qe skane lene gje pa vjedhur,sa e sa te tjera ka si kjo hajdute.A me pa turpesine me te madhe del k/hajduti e bene moral per drejtesine.Tani me ska me mbrojtje politike,drejtesia duhet ta zberthejn si rast per te gjtur hajdutet tjere,te veproje drejtesia ndaj llumit.K/hajduti bene sikur nuke eshte vete k/llumi i llumit.