Laçi iu bashkua Skënderbeut, Kukësit e Flamurtarit në gjysmëfinalet e Kupës së Shqipërisë, teksa u mund vetëm minimalisht nga Partizani në “Qemal Stafa”. Kurbinasit kishin fituar 2-0 në takimin e parë dhe të kuqtë shpresonin të arrinin përmbysjen, por shënuan vetëm një herë, me Sukajn. Fitorja 1-0 nuk mjafton e Partizani ndalet këtu.
Mrekullinë e arriti Flamurtari, i mundur 1-0 nga Tirana në Vlorë, por fitimtar 2-1 sot në “Selman Stërmasi”.
Përmbysje edhe për Kukësin, që me shifrat 2-0 iu përgjigj humbjs në takimin e parë nga Teuta.
Skënderbeu fitoi 2-1 me Vllazninë, pasi kishte dalë pa gola në Shkodër.
