Bayern dhe Borussia Dortmund, dy pretendentët kryesorë për fitimin e Kupës së Gjermanisë, mund të ndeshen në finalen e Berlinit, pasi shorti i gjysmëfinaleve ka shmangur përballjen e parakohshme.
Pas përfundimit të çerekfinaleve, është hedhur menjëherë shorti i raundit tjetër, direkt në televizionin shtetëror ARD, siç ndodh pas çdo raundi.
Hertha Berlin, e cila shpreson të luajë finalen në shtëpinë e saj, do të presë Borussia Dortmund më 20 prill, ndërsa Bayern pret Werder Bremen.
Finalja do të luhet më 21 maj.
