Luftime të ashpra po zhvillohen mes Ukrainës dhe Rusisë për të rimarrë rajonin jugor të Khersonit, që aktualisht kontrollohet nga Moska.
Sipas ekspertëve ushtarakë “nuk do të ndodhë shpejt. Luftime të ashpra po vazhdojnë, ushtarët tanë po punojnë gjatë gjithë kohës” tha Vitaliy Kim, i cili kryeson rajonin fqinj të Mykolaivit.
Ukraina më herët tha se kishte thyer vijën e parë të mbrojtjes së Rusisë. Por Rusia tha se trupat ukrainase ishin mundur gjatë një sulmi.
Ministria e mbrojtjes në Moskë tha gjithashtu se kishte pasur viktima të rënda në mesin e forcave ukrainase, por pretendimet e Ukrainës dhe Rusisë nuk janë verifikuar në mënyrë të pavarur, transmeton BBC.
Kherson u bë qyteti i parë i madh ukrainas që ra në duart e Rusisë në ditët e para të pushtimit të Moskës që filloi më 24 shkurt./m.j
