Bëhet me dije se ata kanë vendosur të mbyllin bizneset e tyre për 24 orë.
Ata u ngritën mbrëmjen e djeshme në protestë, që duket se do të përshkallëzohet edhe më tej ditën e sotme, një situatë që nuk favorizon aspak sezonin turistik në Vlorë.
Protesta e djeshme e bizneseve në Vlorë, përgjatë Lungomares u shoqërua me tensione, pasi policia shoqëroi tre persona, mes tyre edhe një grua.
Pronarët e bizneseve kanë qëndruar për orë të tëra derisa tre personat janë lënë të lirë.
“Nxirrni punëtorët dhe të ikim”, thanë pronarët e bizneseve, të cilët ishin mbledhur pranë komisariatit.
Kujtojmë që mbrëmjen e djeshme në të gjitha lokalet në Lungomares në Vlorë në shenjë protestë kundër orës policore pas orës 22:00, në vend të muzikës u vendos Himni Kombëtar.
g.kosovari
