Jo të gjithë austriakët janë dakord me anëtarësimin e Kosovës në UNESCO, këtë e dëshmon deklarata e nënkryetarit të Partisë së Lirisë në Austri, Johann Gudenus. Anëtarësimin e Kosovës në UNESCO, Gudenus e cilëson si një padrejtësi të madhe dhe se deklarohet haptas se mbështet Serbinë, transmeton Koha.net.
Johann Gudenus u ka thënë gazetarëve se së fundi janë bërë shumë padrejtësi në dëm të Serbisë. Ai ka kthyer kujtesën në marsin e vitit 2004, kur janë djegur shumë manastire e kisha në Kosovë, duke shtuar se në bazë të Rezolutës 1244, Kosova është pjesë e Serbisë, përcjell Tanjug.
Gudenus ka folur edhe për dialogun në Bruksel, për të cilin ka thënë se pala kosovare po luan me letra të pazbuluara, e rezultati i mëtejmë nuk mund të llogaritet. Tanjug thotë se Johann Gudenus ka nënshkruar peticionin online kundër anëtarësimit të Kosovës në UNESCO.
