Detaje të reja dalin në dritë pas vrasjes makabre të shqiptartit Bledar Dedja në Itali.
Siç bëjnë me dije mediet italiane, Dedja dhe vrasësi i tij u takuan në pyll, aty ku u gjet dhe trupi i pajetë.
Nuk përjashtohet pista që të kenë mbërritur me të njëjtën makinë, Mercedesi i bardhë, i cili u gjet 100 metra larg trupit të viktimës.
Sakaq, gjatë kontrollit të telefonit të Dedjas hetuesit kanë konstatuar se telefonata e fundit ka qenë me kunatën e tij.
Rezultatet e autopsisë treguan ditën e djeshme se 39-vjeçari ishte goditur 20 herë me thikë, por fatale ishte goditja që kishte marrë nga pas, e cila i kishte shpuar mushkërinë.
Mister mbetet edhe fakti që shqiptari u gjet gjysmë i zhveshur, me pantallonat e ulura.
Hetuesit ende nuk e kanë konfirmuar nëse Dedja kishte kryer marrëdhënie seksuale para vrasjes apo jo.
Arma e krimit nuk është gjetur dhe vijojnë hetimet për identifikimin e autorit.
/a.r
