Seanca në parlament ka nisur me debate të ashpra pasi në rendin e ditës është edhe projektligji për teatrin.
Teksa në sallë mungonte kryeministri Rama, lideri i PD Basha ka kërkuar prezencën e tij duke akuzuar mazhorancën se po e kthen parlamentin në ‘teatër të krimit’.
“Po i vini flakën Parlamentit, thirrini mendjes. Tani doni ta shdnërroni këtë parlament në një teatër të krimit. Le të vijë ai ideatori i vjedhjes 200 mln euro tëjapë përgjigje. Keni marrë pyetje përgjigjuni. Janë të qarta, konkrete, mos vazhdoni me procedurë fasadë se nuk do t’i lini rrugë njerëzve t’ju trajtojnë siç trajtohet çdo fasadë kriminale.
Kumbaro: Teatri në emergjencë
Ndërkohë, minsitrja e Kulturës Mirela Kumbaro ka mbajtur një fjalim para deputetëve ku ka dhënë disa argumenta spe sipas saj duhet shkuar përpara me teatrin e ri.
Ajo tha se godina aktuale është e ezauruar dhe duhet shembur për të ndërtuar një të re.
“Teatër të ri duhet të ketë. Ato 2-3 ndërtesa janë të ezauruara nga koha dhe duhen shembur”, theksoi ministrja e Kulturës teksa jashtë sallës së Kuvendit vijon protesta kundër shmebjes së teatrit.
“Teatri është në gjendje emergjence, fakti që rri në këmbë, është shfrytëzuar për shfaqje, por është argumenti më mjeran duke pritur ditën që mund të na zërë brenda. Miu ishte bashkëjetues me artistë”, tha ministrja, duke mbrojtur projektligjin për Teatrin Kombëtar, që diskutohet sot në Kuvend.
“Sot gjejmë një mundësi për të bërë një teatër dinjitoz për vendin, kam shkuar gjithë jetën në teatër, por pak kam parë nga kolegët e kësaj salle, nuk ju kam parë jo në këto pesë vite ku unë nuk lë shfaqje pa parë. Nga inspektimet dhe ekspertizat është konstatuar se ambientet janë jashtë kushtet teknike për shfrytëzim, muri me përbërje pupuliti ka dëmtime të konsiderueshme, nga Instituti i Ndërtimit theksohet se përtej arkitekturës, strukturës që bën të pamundur çdo ndërhyrje, kushtet janë të tilla që teatri duhet të mbyllet, thuhet, riparimi i objektit përbën vështirësi, kosto të larta dhe një ndërhyrje rrënjësore në 90% të objektit, në themel, çati dhe soleta, ndërhyrja sado e madhe të jetë nuk e sjell në kushtet optimale”, shtoi ajo.
Për Kumbaron, projektligji që diskutohet sot në Kuvend, “është një investim dinjitoz si e meriton e shkuara, historia dhe e ardhmja”.
“Nuk e kemi deri në buxhet vitin 2020, në këto kushte ne nuk e kemi ulur aktivitetin, por jemi të motivuar që çdo rrugë e kemi ndjekur dhe shqyrtuar për të rindërtuar një teatër të ri, por duke shfrytëzuar çdo mundësi bashkëpunimi. Amortizim i rëndë, teatri është në gjendje emergjence, fakti që rri ende në këmbë është shfrytëzuar vetëm, për shfaqe. Argumenti më mjeran duke pritur ditën që të na zërë brenda”, tha ndër të tjera Kumbaro./a.m.
