Gjatë eventit për ndërtimin e qendrës së re multifunksionale teatrale, ku kanë qenë të pranishëm për të diskutuar Kryeministri Rama dhe ministrja e Kulturës Mirela Kumbaro, ajo ka rikujtuar edhe njëherë fjalët e aktorit Ndrenika të thëna për ndryshimin e vendit të Teatrit Kombëtar.
Kumbaro ka theksuar se nuk është e nevojshme që Ndrenika të shtrihet në shkallët e teatrit për të mbrojtur tokën, por do të ngjitet në të për të luajtur rolin e radhës. Ajo i është përgjigjur në këtë mënyrë aktorit të madh:
“Meqë jemi edhe për të qetësuar zërat. Përfitoj nga rasti t’i them edhe njëherë aktorit tonë të madh Robert Ndrenikës, të cilin në fakt e ftova që të vinte dhe sot por koha nuk ishte shumë e përshtatshme, tek darkonim bashkë dy netë më parë në festivalin e Teatrit Ballkanik me miq dhe tek i shpjegoja projetet e reja të teatrove dua t’ia them sërish të gjithë bashkë: “Nuk ka nevojë të shtrihet tek dera e teatrit për të mbrojtur tokën, sepse do t;i duhet të ngjitet në fakt në skenën e Teatrit të ri, të të gjithë teatrove të rinj që do të ndërtojmë për të luajtur rolin e mrekullueshëm të radhës që ai ka,”-ka përfunduar Kumbaro.
Deklarata e Robert Ndrenikës
Nëse ndodh që godina e teatrit shembet, unë nuk do të tretem në gropë, por do të shtrihem atje”, ka qenë deklarata e ashpër në tavolinë, jo formale e aktorit Robert Ndrenika./express/a.k
