Lutfi Haziri, kryetar i Gjilanit, dhe nënkryetar i LDK-së, zhvillimet në Kumanovë i ka vlerësuar si zhvillime që do të lënë pasoja për zhvillime të reja në rajon, ndoshta edhe me ndryshim të kufijve.
“Ashtu siç ka rënë Jugosllavia dhe Serbia në Prekaz të Kosovës, në të njëjtën mënyrë pritet të bie edhe regjimi i Maqedonisë në Kumanovë”, ka thënë Haziri.
Sipas tij, konflikti urban në Kumanovë që pati për pasojë dhjetëra të vdekur dhe shumë dëme të mëdha materiale ka sfiduar sigurinë e tërë Ballkanit perëndimor, me reflektimet edhe nga konflikti në Ukrainë dhe realitetet e reja gjeopolitike që gërshetohen ne Ballkan.
“Është një luftë urbane që po bëhet për herë të parë nga shqiptarët dhe kjo lagje vërtet do maqedonëve do t’ju dalë e egër”, ka thënë Haziri. “Është momenti i fundit për ndërhyrje ndërkombëtarë ne Ballkanin perëndimor, në mënyrë që të zgjidhet problemi historik mes tyre: problemi i territoreve”, ka thënë Haziri.
